Trita Hospital në kuadër tē zgjerimit të aktivitetit të saj kërkon të punësojë një Specialist Sherbim Klienti Italisht. Në këtë pozicion, ju do të jeni përgjegjës për sjelljen dhe menaxhimin e klientëve të rinj, menaxhimin e rezervimeve dhe anullimeve në mënyrën më efektive dhe detyra të tjera të cilat do të trajtohen si më poshtë. Detyrat Realizon në mënyrën e duhur dhe efikase proçesin e kryerjes së telefonatave drejtuar klientëve për dhënien e informacionit në lidhje me shërbimet që ofron spitali; Realizon proçesin e informimit të vizitorëve në lidhje me shërbimet e spitalit; Njihet me sistemet e menaxhimit të spitalit; Kryen rezervimet në përputhje me proçedurat standarde të operimit; Komunikon dhe bashkëpunon me Departamentin e Marketingut; Mirëmban skedarët dhe raportet sipas kërkesave specifike; Kujdeset që të regjistrojë saktësisht të gjitha rezervimet, paketat dhe zbritjet speciale; Menaxhon dhe dërgon konfirmimet sipas kërkesave të klientëve; Kupton dhe aplikon politikën e spitalit për rezervimet e garantuara dhe ato rezervime në të cilat klienti nuk paraqitet në spital; Kujdeset të marrë informacionet e duhura rreth zonave që shfaqin interes në mënyrë që të kontaktohen klientë në varësi të sezoneve të veçanta. Kualifikimet Të jetë njohës i mirë i gjuhës Italiane; Të ketë aftësi të shkëlqyera komunikimi; Kandidati duhet të jetë i vëmendshëm ndaj detajeve; Të ketë përvojë në trajtimin e çështjeve të shërbimit ndaj klientit dhe të jetë bashkëpunues; Të jetë fleksibël për t'iu përshtatur situatave të ndryshme në punë; Për të aplikuar për këtë mundësi, ju lutemi dërgoni CV-në tuaj me subjektin: "Specialist Sherbim Klienti Italisht në: hr@trita.al Të gjitha aplikimet do të trajtohen me konfidencialitet të plotë sipas ligjit nr. 9887 vendosur nga Parlamenti i Shqipërisë për "Mbrojtjen e të Dhënave Personale"